ВИДЕО: Тие се нашите фудбалски херои, еве како се слави во соблекувалната!
Фудбалската репрезентација на Македонија ја оствари најголемата победа досега во својата историја, совладувајќи ја Германија со 1:2 и тоа на гостински терен во Дуизбург.
Дефинитивно една прекрасна најава пред стартот на Европското првенство, вечерва Германците ја имаа фаворитската улога, имаа повеќе од играта, но и избраниците на селекторот Игор Ангеловски ја бараа својата шанса за изненадување, и тоа беше направено.
– Моите играчи ја направија горда цела Македонија. Оваа победа е и за мојата сопруга која е болна од коронавирус Успеавме да го совладаме четирикратниот светски шампион, урнавме 20-годишна традиција на овој противник без пораз. Радувајте се, славете ги овие херои.
И Горан Пандев пред мечот најави дека се можни чуда, а тоа кој верува може тоа да го реализира. Имаше и луѓе кои ни праќаа критики, но еве оваа победа е и за нив. Со овој состав ќе одиме и на Европското првенство, а таму целта ќе биде да ја поминеме групата.
Сега ни претстои одмор, мораме да се спуштиме на земја, овој успех е еднаков со пласманот на ЕП. Кога еден Јоаким Лев пред мечот ми честита за досегашната работа, тогаш сите треба да се свесни за тоа што го направивме. Триуфмот е за целито народ – рече Ангеловски.
ВИДЕО: Македонско чудо во Дуизбург, „Гранде“ Пандев и „Дијамантот“ Елмас ја урнаа Германија!