ВИДЕО: Тејтум го доби дуелот со Дурент, Бостон подобар од Бруклин
Кошаркарите на Бостон селтикс ја остварија третата победа по ред откако со 126:120 славеа над Бруклин нетс и тоа благодарение на Џејсон Тејтум. Крилото на Бостон натпреварот го заврши со 54 постигнати поени, и го надмина учинокот на Кевин Дурент кој за Бруклин даде 37 поени.
Кошаркарите на Бруклин беа подобар тим во првото полувреме благодарение на Дурент и на Кајри Ирвинг, имаа предност од пет поени во првата четвртина, но на одмор заминаа со минимални 58:60.
Но, во втотото полувреме се разигра Џејтум и му донесе предност на Бостон, додека во финишот од натпреварот дојде и до осум поени предност (108:100). Но, следеше серија од 0:11 на Бруклин која ја прекина токму Тејтум со тројка. Потоа Тејтум и од Маркус Смарт погодија 118:113 на една минута до крајот. Бруклин намали со поените на Дурент, но Бостон одговори со пет поени по ред на Џејлен Браун со што беше заверена победата на келтите.
Тејтум натпреварот го заврши со 54 поени, а добра партија одиграа и Браун со 21, Смарт со 14 и Хорфорд со 13 поени, додека кај Бруклин најрасположени за игра беа Дурент со 37, Ирвинг со 19 и Браун со 16 поени.