ВИДЕО: Супер европски Шкупи, чаирчани поблиску до двомеч со Динамо Загреб
Вечерва на Националната арена „Тодор Проески“ – Скопје екипата на Шкупи убедливо со 3:0 триумфираше над Линколн Ред Импс во првиот натпревар од првото квалификациско коло во Лигата на шампионите.
Играчите предводени од тренерот Гоце Седлоски покажаа на теренот зошто се фаворити во овој двомеч, а тоа ќе се обидат да го докажат и на реваншот кој ќе се игра за седум дена во Гибралтар на 12 јули.
Победникот од овој двомеч во второто квалификациско коло на ЛШ ќе ги одмери силите против хрватскиот првак Динамо Загреб.
На нашиот најголем стадион чаирчани водеа по првото полувреме со головите на Данфа во 11 и Адетунџи во 29 минута.
Во вториот дел предноста можеше да биде уште поголема, Шеји во 53 минута ја погоди стативата, а во 67 минута пречка погоди Адетунџи.
Претходно во 53 минута домаќините останаа со играч помалку поради двата жолти картони на Грузиецот Маргвелашвили.
Shkupi 1-0 Goal Danfa pic.twitter.com/OHeayzahGc
— Sport 88 (@FidanFidanmk) July 5, 2022
Shkupi 2-0 Goal Adetunji pic.twitter.com/aB2Hf13BKm
— Sport 88 (@FidanFidanmk) July 5, 2022
Shkupi 3-0 Owngoal Wiseman pic.twitter.com/wiQpn9Inbj
— Sport 88 (@FidanFidanmk) July 5, 2022
Но, и покрај тоа, предноста на Шкупи стана поголема во 62 минута кога автогол си постигна Вајсмен.
Лига на шампиони
1. квалификациско коло (прв натпревар)
Шкупи (Македонија) – Линколн Ред Импс (Гибралтар) 3:0
Шкупи: Наумовски, Шеји, Маргвелашвили, Сенгхор, Брдаровски, Алварез, Хамиди (Горгиев 89`), Куевен, Данфа (Златков 76`), Адетунџи, Сефас (Бајрами 59`).
