Стартап индустријата во Македонија зема замав. Креативноста кај младите зборува дека се создаваат финансиски услови за нов почеток.

-Предвидувањето дека ова ќе биде посебна година за стартап навистина се остварија. Дадени се одредени индикатори дека тоа што го имавме како цел ќе се исполни. Компаниите се сè погласни и сè повеќе се зборува за нив. Стартап Македонија, која всушност е организација која го обединува целиот еко систем, оваа година успеа сите чинители да ги спои во една дигитална платформа. Таму имаме вкупно 120 стартап компании и повеќе од 40 стартап организации, изјави во Утрински брифинг, Игор Маџов програмски директор на Стартап Македонија.

Фонд за иновации и технолошки развој за првпат во земјава формира Стартап-совет чија примарна цел е да ја претставува стартап-заедницата и да ги застапува нејзините интереси во процесот на креирање и носење политики кои треба да придонесат за понатамошен раст и развој на македонскиот стартап-екосистем. Во ова советодавно тело ќе се обединат сите релевантни актери кои имаат удел во стартап-заедницата во Северна Македонија.

-Ме радува што има сè повеќе едукација, како да се пристапи до финасирање итн. Еден позитивен тренд е што има луѓе од странство кои сакаат да се вратат дома, да се вработат во овдешните компании, заради тоа што тука се осеќаат многу подобро. Враќањето на талентираните во Македонија е клучно за стартапите, вели Маџов.

-Мора да се напомене дека многу им е тешко на новооснованите бизниси да пристапат до финансии, освен ако самите не стават свој колатерал, за да добијат средства од банка, но затоа се посебните банкарски инструменти. Тука се „ангел-инвеститорите“ коишто сакаат да помогнат на бизнисите и бараат начин како со својата експертиза, средства и мрежа да му помогнат на бизнисот. Бизнисот кога е во некоја подоцнежна фаза, односно веќе има продукт којшто се продава на пазарот и е потребна поддршка на растот и излегување на нови пазари, тука постојат „VC-фондовите“ односно фондови на ризичен капитал коишто овозможуваат инвестирање на големи средства за да може да се поддржи растот и да се скрати времето до успехот којшто бизнисот сака да го има“, вели Игор Маџов – програмски директор на „Стартап Македонија“

Целиот разговор со Маџов погледнете го во видеото: