На социјалните мрежи се шири видеоснимка на која се гледа како во канцеларија девојка седи врз грбот на градоначалникот на Бања Лука, Драшко Станивуковиќ, додека тој ја учи како се јава коњ.

Како што пишува на својот блог новинарот Слободан Васковиќ, станува збор за Олга Бабиќ, вработена во Градската управа, за која се наведува дека е негова десна рака, пренесува „Кликс.ба“.

„Го исправаш грбот и ми ги земаш јаките, како да се узди од коњ…“, вели Станивуковиќ, додека девојката седејќи му на грбот вика „ојха“. Потоа ѝ дава инструкции како да управува со коњот, со која нога, каде и како треба да го удри, симулирајќи јавање. Потоа, девојката паѓа во прегратката на градоначалникот.

„Е, баш си коњ…“, вели девојката и двајцата се смеат.

Инаку, градоначалникот на Бања Лука е познат како голем љубител на коњите.