ВИДЕО | Слатка средба која ќе ви го стопи срцето: Златен ретривер се запознава со четири мали мачиња
Златниот ретривер по име Бејли се запознал со четирите нови мачиња кои неговите сопственици ги донеле во куќата, а неговата преслатка реакција воодушеви многумина.
На видеото објавено на „Јутјуб“, Бејли може да се види како претпазливо се приближува до мачињата и ги душка, пред да легне до нив и да ја стави муцката меѓу нив.
Мачињата брзо се навикнале на присуството на Бејли, а тој будно ги набљудувал.
Видеото за краток период собра повеќе од половина милион прегледи.
„Изразот на Бејли на крајот е бесценет. Колку е сладок“, „Колку се симпатични заедно“, „Како знае дека треба да биде толку нежен со нив? Бејли е едно од моите најомилени кучиња досега“, „Бејли знае како да се справи со мачиња“, се дел од коментарите под видеото.