Познатиот рапер Килер Мајк (Killer Mike), чие вистинско име е Мајкл Рендер, беше одведен со лисици на рацете од Крипто Арената во текот на доделувањето на музичките награди Греми, откако освои три награди на синоќешната церемонија.

На видеото кое со часови кружи на социјалната мрежа Икс, поранешен Твитер, објавено од холивудскиот репортер Крис Гарднер, се гледа како Мајк (48) со лисици на рацете е изнесен од салата каде што се доделуваа наградите, по него одат двајца полицајци и уште неколку луѓе во костуми.

Breaking: Rapper Killer Mike has been taken away in handcuffs in https://t.co/aF2yiyTHol arena after winning 3 #Grammys during telecast (Best Rap Song and Best Rap Performance for “Scientists & Engineers,” Best Rap Album for Michael) “Free Mike” someone shouts as he walks past. pic.twitter.com/4epfmzqMt8

— Chris Gardner (@chrissgardner) February 5, 2024

Портпаролот на полицијата, полицаецот Мајк Лопез, изјави дека раперот бил уапсен по расправија во салата. Порталот ТМЗ објави дека Килер Мајк нокаутирал чувар кој работел на обезбедувањето на Греми.

Интернет беше преплавен со снимки на кои полицијата го изнесува раперот од салата. Музичарот беше пуштен на слобода во 20:37 часот по локално време и треба да се појави пред судот на 29 февруари во Лос Анџелес.

ФОТО+ВИДЕО | Тејлор Свифт испиша историја: Ја освои четвртата Греми статуетка за албум на годината и со една најава ги фрли обожавателите во транс