Македонскиот ракометен вицешампион, Е. Пелистер пропушти голема шанса да продолжи со серијата победи во Европската лига и вечерва одигра само реми против Спортинг.

„Зелено-белите“ одиграа квалитетно на гостувањето во Лисабон, но иако имаа позитива во текот на целиот натпревари, во самиот финиш избрзаа во клучниот напад и дозволија Спортинг да освои бод од овој меч (27:27).

– Беше многу важно да не загубиме. Задоволен сум и сакам да им се заблагодарам на ракометарите. Се бореа за секоја топка и за секоја позиција. Игравме многу важен натпревар за двете екипи. Веќе четири натпревари сме без пораз и тоа многу ни значи за нашата ментална сила. Групата е многу израмнета и треба да бидеме подготвени на драматични натпревари до крај. Треба да бидеме храбри и интелегентни. Целта ни е да биеме меѓу четирите најдобри екипи во групата и да продолжиме со играње на елиминациски натпревари – рече тренерот на Е. Пелистер, Жељко Бабиќ по одигрувањето на мечот во Португалија.

Европската ракометна федерација (ЕХФ) ги објави најдобрите пет одбрани на колото, а во најновиот избор се наоѓа голманот на битолската екипа, Мартон Секељи.

Унгарскиот чувар на мрежата се наоѓа на четвртото место, неговата одбрана можете да ја погледнете ТУКА

Воедно најдобрите пет голови на колото можете да ги погледнете на следниот линк ТУКА