Утрово, потпорните ѕидови и дел од пристапниот пат се урнаа во комплексот Центар за извонредност во Крагуевац, јавува српска Нова.рс.

Како што објавува „Глас Шумадије“, лизгањата на земјиштето стануваат сè почести, а стабилноста на теренот е сè уште во опасност, што предизвикува незадоволство и загриженост кај граѓаните.

 

View this post on Instagram

 

A post shared by Glas Šumadije (@glassumadije.rs)

Центарот за извонредност во Крагуевац е научен комплекс на Универзитетот во Крагуевац, чија изградба започна во 2015 година, а планот беше работите да завршат до крајот на 2017 година, но изведувачот банкротираше, пренесуваат српските медиуми.

Како што истакна министерката за наука, технолошки развој и иновации Јелена Беговиќ во 2023 година, за време на обиколката на изградбата на Центарот, државата дотогаш инвестирала 14 милиони евра, а Центарот бил во завршна фаза и требало да биде отворен во текот на летото.

Таа, исто така, изјави дека уште четири милиони евра ќе бидат издвоени за финансирање на опрема. Според Беговиќ 650.000 евра се инвестирани и во изградба на „чисти соби“ за истражување на матични клетки и дека проектите за внатрешно опремување на Центарот се во завршна фаза.

Инаку „Центарот за извонредност“ се состои од три дела: биоинженерство, биомедицина и истражување на матични клетки.

Gradio je puteve ..Kragujevac pic.twitter.com/YCZTjLrOqU

— Žaklina Tatalović (@zaklina_prva) November 28, 2025