ВИДЕО: Саутемптон за малку ќе го шокираше Арсенал на „Емирати“
Во 32 коло од Премиер лигата на стадионот „Емирати“ во Лондон ремизираа екипите на Арсенал и Саутемптон со резултат 3:3.
Поведоа гостите уште во првата минута со голот на Алкараз, а истиот играч беше асистент на вториот погодок кој го реализираше Волкот во 14 минута за зголемување на предноста.
Во 20 минута следуваше намалување на негативата на домаќините по погодокот на Мартинели по асистенцијата на Сака.
За 1:3 во 66 минута се погрижи Чалета-Цар, а „топчиите“ не дозволија изненадување во самиот финиш кога за две минути постигнаа два голови преку Одегард (88`) и Сака (90`).
Ова е веќе трето реми по ред за играчите на Микел Артета, и натаму се на првото место со 75 бодови, пет повеќе од второпласираниот Манчестер сити со напомена дека „граѓаните“ на Пеп Гвардиола имаат два мечеви помалку. Саутемптон кој до крајот на сезоната ќе води битка за опстанок, се наоѓа на последната 20 позиција со 24 бодови.