ВИДЕО: Романија слави главна фаза во Скопје, заврши ЕП за Македонија со три порази
Македонските најдобри ракометарки не успеаја да се пласираат во главната фаза на Европското првенство. Во последното трето коло од прелиминарната фаза во групата „Ц“ го загубија решавачкиот натпревар во директниот дуел со Романија (23:31).
Избраничките на селекторот Љубомир Савевски денеска покажаа многу подобар и порамноправен натпревар, во однос на претходните два меча во кои беа убедливо поразени од Франција и Холандија.
Во првиот дел во СЦ „Борис Трајковски“ – Скопје прикажавме добра игра и имавме резултатска неизвесност и на крајот на првиот дел резултатот гласеше само 12:13 за селекцијата на Романија.
Sara Ristovska and 🇲🇰 still have hope to qualify to the main round 🤩
Will they make it? 🔥#playwithheart | #ehfeuro2022 pic.twitter.com/s9vFoQlQQE— EHF EURO (@EHFEURO) November 9, 2022
Neagu did not warm up too long before launching the first 🚀 of the match 🫣#ehfeuro2022 | #playwithheart pic.twitter.com/ubmMgxDYGt
— EHF EURO (@EHFEURO) November 9, 2022
И наместо да се одржи таа резултатска неизвесност, во вториот дел тргнавме лошо, промашувавме зицери, а противникот сето тоа го користеше и се одвои на поголема разлика која ја одржуваше до самиот крај на средбата.
Сања Дабевска со седум погодоци беше најпрецизна во нашиот табор, додека Маџовска заврши со шест гола. Кај Романките најдобра беше Кристина Неагу со 10 гола. Романија со овој триумф продолжува во главната групна фаза, додека шампионатот заврши за македонската селекција.