Спасувачки нуркачи, пожарникари и полицајци во Бугарија спасија 17-годишно момче што денеска влегло во надојдената река Јантра кај селото Шемшево, во областа Велико Трново, во момент кога регионот се справува со последиците од силното невреме, поројните дождови и со поплавите, јавуваат бугарските медиуми.

Момчето влегло во реката, по што силната вода го понела. Во спасувачката акција биле вклучени екипи на пожарната, полицијата и специјализирани нуркачки тимови од Велико Трново.

Тинејџерот бил извлечен жив од водата и предаден на медицинска екипа за преглед. Според бугарските медиуми, неговата здравствена состојба е добра, но бил пренесен во болница заедно со родителите.

Спасувањето се случи во период кога реката Јантра е опасно надојдена по обилните врнежи што ги погодија централните делови на Бугарија. Во Велико Трново, Габрово и во Априлци беше прогласена вонредна состојба, а во повеќе населени места беа поплавени улици, дворови, домови и автомобили.

Во делови од регионот за кратко време наврнале огромни количества дожд, поради што локалните власти затворија патни правци и предупредија граѓаните да не се движат во близина на надојдените реки и ризичните зони.

Полицијата го опколила човекот што изврши масакр во Турција – тој си пресудил