Работнички одигра неофицијален пријателски натпревар со рускиот второлигаш Факел и победи со 3:0.

Марио Станковски за водство реализираше пенал во седмата минута, а четири минути подоцна противникот си постигна автогол.

Конечниот епилог го постави Бојан Илиевски во 87 минута од средбата за радост на „романтичарите“.

На претходните тестови во Анталија кои служат како подготовка за вториот дел од сезоната, составот на Борче Христов триумфираше над украинскиот прволигаш Лвов (1:0), а со истиот резултат загуби од полската Краковија.

Да додадеме уште дека Арменд Алими кој оваа зима се најави како големо засилување во клубот, поради повреда ќе паузира шест месеци. Имаше успешна операција на тетивата на левата нога.