Очекување кај нас економистите беше појава на инфлација, но заради намалената потрошувачка се уште нивото на цените е ниско и за среќа не се појави и инфлацијата што ќе влијаеше негативно на економскиот амбиент. За тоа можеме да бидеме среќни, а и политиката на НБРМ говори дека не треба да очекуваме инфлација, изјави за „Утрински брифинг“ на „Слободна ТВ“, професор на УТМС Зоран Ивановски.

-Генерално помошта која се предвидува како финансиски стимул е во рамките на можностите, но тоа не може вечно да трае. Во однос на ребалансот и пристапот на помошта сметам дека тој е предвиден за помош на најпогодените, но сметам дека не е доволно само со овој начин на помош- вели професорот Ивановски.

-Според мене круцијален момент сега е стимулирање на инвестициите. Ние без нив не можеме да издржиме. Затоа јас би и препорачал на Владата, освен стимулативните пакети и поддршка на најранливите да размислат и околу пакетот на мерки кој не е поврзан со дополнително задолжување на државата, а може да се објасни со олеснување на условите за инвестирање, односно откажување на државата од дел од своите приходи по основ на комуналии и други давачки. Клучно е како сега да ја мотивираме економијата, смета Ивановски.

Целиот разговор со проф. Зоран Ивановски погленете го во видеото: