„Hulu“ го објави трејлерот од својата претстојна вистинска крими серија „Candy“. Оваа петнеделна серија во главна улога ја има Џесика Бел која ја глуми Кенди Монтгомери, обичната домаќинка од Тексас чиј ионака мирен живот започнува да се менува за на крај да кулминира со шокантно убиство на пријателката Бети Гор.

И додека првиот тизер се занимаваше со судењето, трејлерот е фокусиран на тоа што довело до судењето.

Во трејлерот откриваме дека пријателството на две жени се менува во моментот кога Монтгомери ја започнува врската со Алан, сопругот на Бети Гор, а откако ќе се открие врската, Монтгомери ја убива Бети удирајќи ја со секира 41 пат.

Работите стануваат уште полуди откако Монтгомери ја ослободуваат бидејќи наводно се работело за самоодбрана.

Инаку, ова е втора серија која се занимава со овој случај, а „HBO Max“ со љубовниот тријаголник ќе се позанимава во серијата „Love and Death“ каде во улогата на Монтгомери ќе се најде Елизабет Олсен.

„Candy“ со емитувањето ќе започне на 9 мај.