ВИДЕО | Принцот Вилијам и Кејт Мидлтон пречекани со протести во Белизе: Напуштете ги нашите имоти
Принцот Вилијам и неговата сопруга Кејт Мидлтон слетаа во Белизе, една од многуте членки на Комонвелтот, но нивната посета не започна баш најдобро. Дел од граѓаните на оваа мала земја на брегот на Карибите организираа протести поради кои војводите од Кембриџ мораа да го откажат својот прв ангажман таму
Белизе, мала централноамериканска земја, поранешна британска колонија и лулка на цивилизацијата на Маите, е дестинација што ја посетуваат членовите на британскиот двор од 1936 година. Принцот Вилијам и Кејт Мидлтон ја започнаа својата прва турнеја во странство по двегодишна пауза од долгите патувања.
Тие пристигнаа на Карибите полни со ентузијазам, но дел од локалното население не им приреди топло добредојде. Светските медиуми пишуваат за протестите на жителите на селото Индијан Крик, сместено во подножјето на планините Маја.
View this post on Instagram
Населението на селото Индијан Крик ден пред официјалното пристигнување на кралската делегација подготви протест со плакати на кои пишуваше дека принцот Вилијам не е добредојден таму.
„Принц Вилијам, напушти ги нашите имоти“, пишува на еден, додека други ја идентификуваат оваа посета на војводата од Кембриџ со колонијализам.
Протоколот требало да го вклучи и пристигнувањето на кралската двојка со хеликоптер на фудбалското игралиште во селото, на што жителите жестоко се спротивставиле, посочувајќи дека за тоа никој претходно не ги известил ниту побарал дозвола. Дополнително, селаните истакнуваат дека нивните претпоставени политичари им наредиле да се согласат на сè и да изгледаат среќно пред камера.
View this post on Instagram
За да избегне дополнителни немири, парот ја откажа посетата и во моментов размислува за алтернатива што би можела да ја замени.
View this post on Instagram
