ВИДЕО | Претседателот на Таџикистан до Путин: Не сме 100 или 200 милиони, но бараме почит
Во главниот град на Казахстан, Астана се одржа самит на земјите од Централна Азија и Русија.
По тој повод, претседателот на Таџикистан, Емомали Рахмон, му порача на Владимир Путин дека Русија треба да престане да се однесува кон земјите од Централна Азија како да се сè уште дел од Советскиот Сојуз.
„Не сме 100 или 200 милиони, но сакаме да нè почитуваат. Кој договор го прекршивме? Дали можеби ве поздравивме на погрешен начин? Секогаш сме ги почитувале интересите на нашиот главен стратешки партнер (Русија)“. 70-годишниот Рахмон му рекол на Путин.
Tajikistan's president demands respect from Russian President Vladimir Putin in a remarkable outburst at Central Asia-Russia summit in Astana pic.twitter.com/dKyHrk5EPi
— Peter Leonard (@Peter__Leonard) October 14, 2022
„Ние сакаме да бидеме почитувани. Владимир Владимирович, ве молам, не водете политика каде што земјите од Централна Азија се третираат како да се дел од СССР. Ние секогаш најмногу ја почитувавме Русија. Но, сакаме и почит! Па кои се ние? Абориџините? Дајте“, заклучи таџикистанскиот претседател.
Инаку, ова е прв самит на Централна Азија и Русија, а на него покрај Путин и Рахмон учествуваа и претседателите на Казахстан, Киргистан, Туркменистан и Узбекистан.