ВИДЕО | Прекрасен момент: Але ги одигра првите минути за Борусија по борбата со ракот
Фудбалерот на Борусија Дортмунд, Себастијан Але ги одигра првите минути за „милионерите“ по борбата со ракот против Фортуна Дизелдроф.
Препорачано
Кога Борусија го продаде Халанд на Манчестер Сити го доведе Себастијан Але како најскапо засилување во клупската историја, но напаѓачот имаше кошмарен старт во Германија. Многу брзо на стартот на подготовките му беше откриен рак на тестисите и следуваа тешки шест месеци со две операции и хемотерапија.
Вчера против Фортуна Дизелдроф, Але ги одигра првите минути и доби овации и аплаузи од присутните.
„Ова за мене е неверојатен момент, добив многу аплаузи и пораки, разговарав со соиграчите и противниците. Играв фудбал за првпат по шест месеци, навистина сум среќен. Ми недостасуваше ова чувство, не е исто како кога само тренирате. Сакам да бидам спремен до крајот на сезоната и да одиграме колку што е можно повеќе натпревари“, изјави Але.
— Borussia Dortmund (@BlackYellow) January 10, 2023
— Borussia Dortmund (@BlackYellow) January 10, 2023
