ВИДЕО: Повреда за крај на славната кариера – Шпанецот Давид Силва се збогува со фудбалот
Давид Силва заработи тешка повреда на коленото на тренингот на Реал Сосиедад и реши да стави крај на кариерата. Легендарниот шпански фудбалер, најпознат по настапите во Манчестер сити, официјално се прости од фудбалот.
Силва на подготовките со Реал Сосиедад заработи тешка повреда на вкрстените лигаменти на коленото, а на 37-годишниот фудбалер му беше тешко и очигледно не беше подготвен уште еднаш да го помине исцрпувачкиот процес за опоравување од таа повреда.
Поради тоа Шпанецот реши да ги закачи копачките и да стави крај на оваа епизода од својот живот.
Силва во својата кариера настапуваше за Валенсија, Селта Виго, Манчестер сити, а последните три години настапуваше за баскискиот тим.
💙 David Silva retires from professional football after recent injury.
869 pro apps, 156 goals, 226 assists, 20 trophies in fantastic career as top quality & class player 🪄🇪🇸 pic.twitter.com/wLW763rjSQ
— Fabrizio Romano (@FabrizioRomano) July 27, 2023
Во кариерата освои 20 трофеи, од кои четири титули во Премиер лигата со Сити, и две европски првенства (2008, 2012) и Светското првенство во 2010 година со Шпанија.
Во клупската кариера одигра 744 натпревари во кои постигна 121 гол и запиша 194 асистенции. За шпанската репрезентација настапи 125 пати и постигна 35 гола.