ВИДЕО: Потресни сцени во Лондон, Аспиликуета остана без свест по страшен удар во главата
Фудбалерот и воедно капитен на Челси, Сезар Аспиликуета остана без свест на натпреварот против Саутемптон откако беше „нокаутиран“ од Секу Мара.
Саутемптон, последнорангираниот во Премиер лигата приреди изненадување (0:1) на „Стемфорд Бриџ“ во Лондон откако со голот на Џејмс Вард Проус дојде до петтата победа сезонава со што ја продолжи кризата на лондонските „сини“ кои веќе четврти натпревар по ред не знаат за триумф.
Победата на „светците“ падна во втор план по ужасниот старт на Секу Мара во средината на вториот дел.
Напаѓачот на гостите се обиде со ножички да постигне атрактивен гол, но играчот на Челси се попречи, па Мара наместо топката, директно удри во главата на Аспиликуета. Шпанецот остана без свест, по што веднаш мораше да реагира лекарскиот тим, а потоа беше и изнесен од теренот со носилки.
Sékou Mara with an attempted overhead kickoff but kicked Cesar Azpilicueta in the head.pic.twitter.com/PbZGbpKfW7
— H/F (@hfworld_) February 18, 2023
Azpilicueta fue atendido durante casi 10', lo sacaron en camilla. La TV no volvió a repetir la accidental y terrible patada que recibió en el rostro. Momento de mucha angustia en Stamford Bridge. pic.twitter.com/MZYgX2VQZD
— Claudio Mauri (@hcmauri) February 18, 2023
На табелата Челси е на 10 место со 31 бод, додека Саутемптон е на последната 20 позиција со 18 бодови. Во другите мечеви: Брентфорд – Кристал палас 1:1, Брајтон – Фулам 0:1, Евертон – Лидс 1:0, Нотингем – Манчестер сити 1:1, Вулверхемптон – Бурнмаут 0:1.
На табелата води Арсенал со 54 бодови, два повеќе од второпласираниот Манчестер сити, со напомена дека „топџиите“ имаат еден натпревар помалку.
