ВИДЕО: Полицијата од Корча го пронајде и казни мангупот кој се возеше на покрив од автомобил
Полицијата од Корча го идентификуваше и го казни возачот на возилото кој вршел опасни маневри и го попречувал сообраќајот во населениот дел од Подградец. Младиот човек е казнет со 75.000 леки и му е одземена возачката дозвола.
Веднаш по објавувањето на видео на порталот „JOQ“ на кое е прикажан возач, кој извршил опасни маневри во станбена зона, станувајќи опасност за себе и за другите учесници во сообраќајот, службите на Сообраќајната полиција Корча организирале потрага со цел да го идентификуваат и казнат возачот.
Проверките покажале дека возачот на возилото, албанскиот државјанин М.М., 20 години, е жител на Поградец, и станал од возачкото седиште и се качил на покривот од автомобилот и притоа вршел опасни маневри и го попречувал сообраќајот во населено место, додека маневрите со воланот ги вршел совозачот.
Од локалната полициска управа Корча апелираат до сите учесници во сообраќајот да ги почитуваат сообраќајните правила, со цел да се заштити животот и да се гарантира безбедноста на патиштата.