Ландо Норис го отвори Гран-при викендот во Лас Вегас на најдобар можен начин со најбрзо време на првиот тренинг, и тоа и покрај двата прекина предизвикани од подигнат капак на шахта во последниот свиок.

Возачот на Мекларен беше само 0,029 секунди побрз од Кими Антонели во Мерцедес, додека Шарл Леклер со Ферари го запиша третото време. Норис ја презеде контролата уште од самиот старт, додека неговиот главен конкурент за титулата, Оскар Пјастри, остана дури 14-ти, бидејќи поради црвеното знаме не успеа да направи чист летечки круг на меки гуми. Со 24 поени предност, победа во Лас Вегас би го довела Норис на чекор од шампионската титула.

Clinching the fastest time on Friday with 1m33.602s ⏱️

Let’s go onboard with Lando Norris for a rapid lap around the Las Vegas Strip Circuit! 🤩#F1 #LasVegasGP pic.twitter.com/KaoObQ1dqC

— Formula 1 (@F1) November 21, 2025

Проблемите со шахтата повторно ја отворија темата за безбедност, потсетувајќи на хаосот од дебитантскиот викенд на оваа патека пред две години. Поради честите прекини, многумина од возачите останаа без можност да ги реализираат своите планови за тркачки симулации. Во средниот дел од поредокот се истакна Нико Хилкенберг со одлично четврто време за Заубер, а Хаџар и Лосон од Рејсинг Бул успеаја да се пробијат во врвот. Првата десетка ја заокружија Расел, Албон, Верстапен и Хамилтон.

F1 has cancelled the first practice session of the first ever Las Vegas Grand Prix due to a loose drain cover 😳 pic.twitter.com/hLcP1VHfED

— ESPN F1 (@ESPNF1) November 17, 2023

Преземено од: Спорт.ком.мк