По ремито со Португалија и освојувањето на првиот бод во групата Б на Европското првенство, ракометната репрезентација на Македонија оствари триумф над Романија од 24:23.

Тоа беше последен меч за избраниците на селекторот Кирил Лазаров на првенството, иако ги одржуваа теоретските шанси за пласман во главната фаза кои подоцна ги згасна Португалија со победата против Данска.

Драматичен беше финишот на натпреварот меѓу Македонија и Романија во Хернинг, во последната секунда победа за нашата селекција донесе десното крило Ненад Костески.

Претходно Португалците успеаја да израмнат на 23:23, а веднаш потоа во својот последен напад Македонците дојдоа до победа за голема радост кај играчите, навивачите и секако љубителите на спортот и ракометот во нашата земја.

Погодокот на Костески се наоѓа и во Топ 5 на денот во изборот на Европската ракометна федерација (ЕХФ).