ВИДЕО: Партизан знае само победнички по „нотите“ на Филиповски!
После заминувањето на црногорскиот стратег Владо Шчепановиќ од тренерската функција на Партизан, повторно се вратија добрите резултати на српскиот кошаркарски клуб.
Македонецот со словенечки пасош, Сашо Филиповски со Боби Митев како асистент реди само победи со белградските „црно-бели“.
Вечерва во „Штарк Арената“ во рамките од шестото коло од Еврокупот со резултат 78:75 го совладаа Хувентуд Бадалона (Шпанија) во чии редови не беше нашиот репрезентативец Ненад Димитријевиќ.
Тоа е четврти триумф по ред на Партизан со Филиповски како тренер, уште една победа претходно оствари во Еврокупот против Уникс Казан, а уште две и во АБА лигата над Цибона и Задар.
Во Еврокупот на табелата во групата „А“ води Хувентуд Бадалона (5-2), пред Уникс Казан (5-3), Партизан (4-3)..Во регионалното натпреварување Партизан е на четвртото место (4-3), зад Црвена звезда (7-0), Мега (5-2) и Морнар Бар (5-1).