ВИДЕО: Партизан против Анортозис се избори за европска пролет

Белградски Партизан го освои второто место во својата група во Конференциската лига/Фото: EPA-EFE/ANDREJ CUKIC

Фудбалерите на Партизан на домашен терен денеска ремизираа со Анортозис во Белград со 1:1 во натпреварот од последното шесто коло во групата „Б“ во Конференциската лига.

„Црно-белите“ со нерешениот резултат против кипарскиот клуб го обезбедија второто место во групата доволно за пласман во 1/16 финалето.

Српската екипа дојде во предност од 20 минута со голот на Миловановиќ, а конечниот епилог го постави Христодулопулос во 33 минута од пенал.

Во оваа група првопласиран заврши Гент кој директно се пласираше во осминафиналето.

Рома славеше во Софија против ЦСКА со 3:2 и го искористи ремито на Бодо Глимт со Зорја (1:1) за да стигне до првото место во групата „Ц“.

Конференциска лига
6. коло, резултати –

Алашкерт – Макаби Тел Авив 1:1
АЗ Алкмаар – Рандерс 1:0
Клуж – Јаблонец 2:0
ЦСКА Софија – Рома 2:3
Зорја – Бодо Глимт 1:1
Гент – Флора 1:0
ЛАСК – ХЈК 3:0
Партизан – Анортозис 1:1

Директно во осминафиналето досега се пласирани ЛАСК, Гент, Рома, АЗ Алкмаар, Феенорд, ФК Копенхаген и Рен, а во плеј-офот од нокаут-фазата или 1/16 финалето се Макаби Тел Авив, Партизан, Бодо Глимт, Рандерс и уште пет екипи (третопласираните во Лига Европа) Спарта Прага, ПСВ Ајндховен, Лестер сити, Фенербахче и Селтик.

Видео на денот