Кошаркарите на Феникс санс го победија Голден стејт со 111:96 и обезбедија место во плеј-офот на НБА лигата. Санс во плејофот ќе се соочат со првопласираниот Оклахома сити на Западот.

Победничкиот тим на Феникс го предводеше Џејлен Грин, кој беше играч на натпреварот со 36 поени, а Девин Букер додаде 20 поени.

Стеф Кари постигна 17 поени за Голден стејт и погоди само четири од 16 шута од игра.

Составот на Орландо меџик го декласираа Шарлот хорнетс со 121:90, а најдобар поединец на мечот беше Паоло Банкеро, кој постигна 25 поени со пет скока и шест асистенции, по што следуваше Франц Вагнер со 18 поени.

На другата страна во тимот на Шарлот, Ламело Бол постигна 23 поени, но со прилично слаб процент на шут.

По оваа победа, Орландо ќе го продолжи натпреварувањето во плејофот како осмопласирана екипа во Источната конференција, каде што ќе се соочи со првопласираниот Детроит.