Кошаркарите на Оклахома ги победија Лос Анџелес лејкерс со 108:90 во првиот натпревар од полуфиналето на Западната конференција во НБА лигата.

Чет Холмгрен во редовите на Оклахома доминираше со 24 поени и 12 скока. Шеј Гилџес-Александер и Аџај Мичел постигнаа по 18 поени.

Леброн Џејмс беше прв стрелец кај „езерџиите“ со 27 поени, потоа Руи Хачимура постигна 18 поени, додека Маркус Смарт додаде 12.

Вториот натпревар од плејофот помеѓу Оклахома сити тандер и Лос Анџелес лејкерс ќе се игра во петок.

Детроит го победи Кливленд со 111:101 во првиот меч од полуфиналето на Источната конференција.

Кејд Канингем постигна 23 поени за Детроит, додека Донован Мичел постигна 23 поени за Кливленд. Вториот дуел од серијата помеѓу Детроит и Кливленд ќе се игра во петок.