Авион се урна вчера при обид за итно слетување на меѓународен аеродром во Доминиканска Република, при што се случи силна експлозија во која загинаа пилотот и копилотот, објави „Анадолија“.

Авионот „Гулфстрим Г200“ бил на пат кон Остин, во американската сојузна држава Тексас и се наоѓал на околу 16 наутички милји југозападно од меѓународниот аеродром Ла Романа кога прогласил вонредна состојба поради сериозни механички проблеми.

Екипажот се вратил кон аеродромот и се обидел да изврши итно слетување, но авионот се урнал при допирот со пистата, по што се запалил и експлодирал во голема огнена топка.

#BREAKING

Jatinho Gulfstream G200 faz pouso de emergência na República Dominicana, sai da pista e pega fogo

Imagens impressionantes gravadas no Aeroporto Internacional La Romana

De matrícula N318JF, o jatinho decolou e precisou voltar pro problemas@OnDisasters pic.twitter.com/YhXrOvBfaI

— AEROIN (@aero_in) June 7, 2026

Според првичните информации, во авионот се наоѓале само двајцата членови на екипажот.

Доминиканскиот институт за цивилно воздухопловство (ИДАК) и Комисијата за истрага на воздухопловни несреќи (ЦИАА) соопштија дека ја истражуваат несреќата.

„Воздухопловните власти ги активираа соодветните протоколи и спроведуваат неопходни истраги за утврдување на причините за инцидентот. И IDAC и CIAA ќе дадат дополнителни информации како што напредува истрагата“, изјавија од институтот.

Засега не се објавени дополнителни детали за падот, а властите сè уште немаат официјално соопштено причина за несреќата.

Стравична несреќа во Хрватска: aвион се урна во Медулин, има загинати