Вистински хаос го одбележа полуфиналниот натпревар од израелското кошаркарско првенство меѓу Хапоел Тел Авив и Хапоел Ерусалим, кој беше прекинат поради ракетна тревога предизвикана од нападите од Иран.

Драматичните сцени се случија во третата четвртина, кога безбедносните служби реагираа по активирањето на алармите. Во моментот на прекинот, Хапоел Тел Авив имаше предност од 77:67.

Судиите веднаш ја стопираа средбата и ги упатија играчите, стручните штабови и присутните навивачи на безбедно место. По одредено време, откако ситуацијата се стабилизираше, беше направен обид натпреварот да продолжи, но кошаркарите на Хапоел Ерусалим одбија да се вратат на теренот.

Од раководството на лигата се очекува во наредниот период да излезат со официјален став и одлука за понатамошниот тек на полуфиналната серија, секако во зависност од развојот на безбедносната состојба во земјата.

Hapoel Tel Aviv vs Hapoel Jerusalem SF game 1 has been halted at the end of the 3rd quarter due to missiles fired from Iran. The arena has been evacuated of fans and the game is supposed to continue however Jerusalem players do not want to leave the lockeroom. pic.twitter.com/seTt9LXd8H

— Sports Rabbi (@thesportsrabbi) June 7, 2026