Реал Мадрид го сака Мајкл Олисе, а претседателот на шпанскиот фудбалски клуб, Флорентино Перез е подготвен да испрати понуда од 150 милиони евра.

Баерн ќе каже „не“ на овој обид, но Шпанците тврдат дека германскиот гигант би се согласил да го продаде доколку Кралевите испратат рекордна бројка од 225 милиони евра.

Перез, објави дека ќе испрати официјална понуда за фудбалската ѕвезда вредна 150 милиони евра во вторник, 9 јуни.

Иако Перез рече „не“ кога беше прашан дали станува збор за Олисе, извори блиски до клубот велат дека сепак станува збор за него.

Понудата од 150 милиони е почетна понуда и Перез е подготвен да ја зголеми истата.

Од Минхен веднаш соопштија дека продажбата не доаѓа предвид. Сепак, шпанскиот медиуми тврдат дека најголемиот германски клуб сепак би се согласил да го продаде доколку од Мадрид пристигне рекордна понуда од 225 милиони евра.