Светското фудбалско во САД, Мексико и Канада би можело да донесе нешто невидено во светот на фудбалот. Поради екстремната топлина што се очекува во некои американски градови, неколку национални тимови ја разгледуваат можноста резервните играчи да ги следат натпреварите од соблекувалната.

Ова е потег што би бил преседан на Мундијалот, наместо резервните играчи бидат покрај теренот, некои би можеле да останат во климатизирани соблекувални за да избегнат изложеност на високи температури.

Планот треба да функционира така што играчите би останале во соблекувалната. Доколку селекторот одлучи дека еден од нив треба да влезе во играта, помошникот би отишол да го повика да се загрее.

Ова сценарио најдобро покажува колку тешки можат да бидат условите на ова Светско првенство. Турнирот се игра во текот на летото, а некои градови и датуми би можеле да донесат високи температури, што е дополнителен предизвик за тренерите и медицинските служби.

Иако би било невообичаено за многумина да видат празни клупи за време на првенството, тренерите првенствено размислуваат за здравјето на играчите. Резервите го поминуваат поголемиот дел од натпреварот седејќи на сонце, а потоа мора да излезат на теренот во краток рок.