Фудбалерите на Аргентина ја победија Хондурас со 2:0 во пријателски натпревар како дел од подготовките за Светското првенство.

Аргентина рутински стигна до победата, во првото полувреме Лаутаро Мартинез беше сигурен од пенал за да им донесе водство на „гаучосите“ во 37 минута.

Потоа во второто полувреме Џулијано Симеоне ја потврди победата во 54 минута, кога постигна гол за 2:0, а беше и асистент на првиот гол.

Најдобриот играч на Аргентина, Лионел Меси, го гледаше овој натпревар од клупата и не влезе во игра.

Актуелниот светски шампион има уште натпревар против Исланд во среда, а потоа се свртуваат кон своите обврски на Светското првенство.

Првиот меч на Аргентина на Мундијалот ќе биде против Алжир на 17 јуни. Аргентина е во групата Ј со репрезентациите на Алжир, Австрија и Јордан.