Хари Кејн го постигна својот 79 гол во кариерата на меѓународната сцена со кој ја одведе Англија до победа од 1:0 над Нов Зеланд, во пријателски натпревар како подготовка пред настапот на Светското првенство.

Избраниците на селекторот Томас Тухел доста се мачеа против репрезентацијата која е 81 место на светската ранг-листа.

– Тука сме повеќе за подготовки отколку за резултат – рече Кејн по неговиот 67 гол во сезоната за клубот и репрезентацијата.

– Ова е најдобрата форма во која сум бил во мојата кариера. Возбуден сум, едвај чекам да започне Светското првенство – се зборовите на 32-годишниот англиски напаѓач.

И покрај тоа што не освоиле светска титула 60 години, Англичаните одат на Мундијалот како едни од фаворитите, откако стигнаа барем до четвртфиналето на последните четири турнири.

Англија на СП 2026 ќе игра против селекциите на Хрватска, Гана и Панама во групата Л.