Германија и Португалија со победи ги завршија подготовките за Светското првенство, совладувајќи ги САД и Чиле во последните контролни натпревари пред стартот на Мундијалот.

Германците славеа со 2:1 против САД откако одлично го отворија натпреварот, а главна фигура беше Каи Хаверц кој, по примерот од финалето во Лигата на шампионите, повторно се запиша во листата на стрелците уште во втората минута за водство од 1:0.

Американците возвратија во 37. минута преку Робинсон, кој постигна вистинска евро-голсо силен удар од далечина за израмнување на резултатот. Сепак, Хаверц повторно беше во центарот на вниманието во второто полувреме. Во 57. минута тој асистираше до Лерој Сане, кој ја затресе мрежата за конечни 2:1.

Победа забележа и Португалија, која со ист резултат го совлада Чиле. Иако Кристијано Роналдо беше стартер и го одигра првото полувреме, Португалците не успеаја да ја материјализираат доминацијата пред паузата.

Финишот на првиот дел го одбележа инцидент на теренот, по кој црвени картони добија Рафаел Леао и чилеанскиот фудбалер Роман Иван.

Резултатот беше отворен во 58. минута кога Гонзало Гуедеш, кој на теренот влезе на местото на Роналдо, погоди за водство на Португалија. До крајот беа постигнати уште два гола, а европската селекција успеа да ја зачува предноста и да стигне до победа од 2:1.

ВИДЕО | Босанците направија спектакуларна атмосфера на генералката пред Мундијалот