Централниот терен во комплексот „Куќа на фудбалот“ доби целосно нов лик по првпат по 12 години, соопшти претседателот на Фудбалската федерација на Македонија, Масар Омерагиќ.

Според информациите што ги сподели првиот човек на ФФМ, извршена е комплетна реконструкција на тревната подлога, при што се поставени нови тревни бусени, обновена е дренажата и инсталиран е нов систем за наводнување.

Омерагиќ потсети дека претходно беше реконструиран и теренот број 1 во рамки на комплексот, додавајќи дека федерацијата постепено работи на подобрување на инфраструктурните услови.

„По 12 години, централниот терен во ‘Куќа на фудбалот’ е со целосно нова тревна површина. Лека-полека работите се движат во вистинска насока. Денес овде, а утре и на други стадиони низ Македонија“, порача Омерагиќ.