Младата репрезентација на Македонија до 21 година одлично ги започна квалификациите за Европското првенство откако денес ја совладавме фаворизираната Шведска на гости со 0:1.

Човек на одлука беше фудбалерот на дански Сондерјиски, Иван Николов. Се играше седмата минута кога македонскиот фудбалер казни едно грешно додавање во одбраната на Швеѓаните.

По лошото додавање топката го удри Николов во телото кој потоа со глава ја смести во мрежата. Ова беше прво коло во квалификациите и одлично е што стартуваме со три бода и тоа против една силна селекција.

Во вторник Македонија на домашен терен го игра натпреварот против Холандија која денес со 2:0 беше подобра од Молдавија.