ВИДЕО | Драма на социјалните мрежи – обожавателка на Меган Маркл ја нападна Кејт Мидлтон дека ја лажирала болеста
Британската јавност е згрозена по серијата објави на социјалните мрежи од страна на Занди Сасекс, истакната членка на т.н. „одред на Сасекс“ (Sussex Squad), која упати тешки навреди и бизарни теории на заговор на сметка на принцезата од Велс, Кејт Мидлтон. Целата драма започнала кога Занди се пофали дека купила ВИП карта за претстојниот настан во Сиднеј, каде Меган Маркл ќе се дружи со фановите.
Препорачано
Цената за една фотографија со Меган изнесува вртоглави 3.000 долари, а Занди не ја криеше својата возбуда. Сепак, вниманието на јавноста веднаш се сврте кон нејзините претходни објави во кои сурово ја напаѓа Кејт Мидлтон.
An Australian Meghan Markle superfan set to attend an exclusive Sydney retreat has come under fire after resurfaced posts showed her making disturbing claims about Princess Catherine’s cancer diagnosis.https://t.co/xEwUii5h69
— Sky News Australia (@SkyNewsAust) March 31, 2026
„Лејди Магбет“ и „лажен рак“
Занди Сасекс во повеќе наврати ги нарече Вилијам и Кејт „Вилијам и Лејди Магбет“, алудирајќи на ликовите на Шекспир кои планираат убиство на кралот. Но, она што најмногу ја разгневи јавноста се нејзините тврдења дека дијагнозата на Кејт за рак е чиста измислица.
„Мора да направиле лажно видео за ракот на Лејди Магбет со помош на вештачка интелигенција“, напиша Занди на платформата Икс. Таа дури ја нарече целата ситуација со лекувањето на принцезата „голема измама“, иако Кејт во јануари 2025 година потврди дека болеста е во ремисија по долги и тешки третмани.
Remember Charles was told to go back where he came from when he visited Australia in 2024. H & M got a warm welcome and a traditional blessing. They’re terrified you’ll see the difference.
“This is not your land! This is not your land! You are not our King! You are not our King” pic.twitter.com/kWmRlO5chM
— Senior Lieutenant Zandi Sussex (@ZandiSussex) March 27, 2026
Поделена Австралија
Додека британските медиуми го осудуваат ваквото однесување, Занди и нејзините истомисленици се подготвуваат за „кралски пречек“ на Хари и Меган во април. Таа иронично потсети на посетата на кралот Чарлс Трети на Австралија во 2024 година, кога му беше порачано „да се врати од каде што дошол“, тврдејќи дека Сасекси ќе добијат традиционален благослов и топло добредојде.
Овој скандал доаѓа во момент кога односите меѓу двата браќа се на најниско ниво, а теориите на заговор само го продлабочуваат јазот во кралското семејство.
