На улиците во Париз утрово се случил обид за киднапирање на жена, кој е забележан на видео од минувачи. Како што пишува „Ле Паризиен“, жената таргетирана од киднаперите наводно е ќерка на извршен директор на платформа за тргување со криптовалути.

Според полициски извор, жената била со своето двегодишно дете кога се случил обидот за киднапирање, а сè уште не е познато како детето успеало да избега додека грабнувачите се обидувале насилно да ја внесат неговата мајка во комбето.

Quelle horreur.

La fille d’un entrepreneur français dans les cryptos vient de faire l’objet d’une tentative d’enlèvement en plein Paris.

Heureusement des riverains étaient présents pour la sauver.

Il est urgent d’éradiquer la racaille de ce pays.pic.twitter.com/jE13LRBpra

— Antonin Ferreira Roche (@Antonin_FR_) May 13, 2025

На видеото се прикажани маскирани напаѓачи како се обидуваат да киднапираат жена, влечејќи ја низ улицата, додека маж, наводно татко на нејзиното дете, се обидува да ја спаси.

За среќа, киднаперите биле неуспешни благодарение на храбрата интервенција на таткото на детето, пишува „Ле Паризиен“ додавајќи дека според информациите, комбето на грабнувачите е пронајдено празно, на улица во истата општина.