Ова е најновиот во низата слични напади што организациите за човекови права остро ги критикуваа, нарекувајќи ги „вонсудски егзекуции“, додека Вашингтон тврди дека целите се „наркотерористи“.

Јужната команда на американската војска соопшти дека бродот, кој беше погоден во петокот, бил управуван од „означени терористички организации“, но не прецизираше кои групи. Исто така, беше истакнато дека во акцијата нема повредени американски војници, додека жртвите беа опишани како „машки наркотерористи“, без дополнителни детали.

On April 24, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/FRHwqXsHm2

— U.S. Southern Command (@Southcom) April 25, 2026

Според американската војска, разузнавањето покажува дека бродот се движел по познати рути за шверц на дрога во источниот Пацифик и бил вклучен во такви операции. Со објавата беше објавено и кратко видео од нападот.

Ваквите операции се интензивираа во последните недели, при што администрацијата на претседателот Доналд Трамп ги таргетира бродовите за кои тврди дека се користат за транспорт на наркотици. Од септември до денес, повеќе од 170 луѓе загинаа во тие акции.

Сепак, бројни експерти и организации за човекови права, како во САД, така и низ целиот свет, ја доведуваат во прашање легалноста на овие напади. Организации како што се „Хјуман рајтс воч“ и „Амнести интернешнл“ проценуваат дека станува збор за нелегални вонсудски убиства, додека Американската унија за граѓански слободи тврди дека обвинувањата на администрацијата против целите на нападите се неосновани и служат за ширење страв- пренесе Политика.