Покрај тривијалното што овие денови се искажа низ телевизиите, јас би сакал да кажам две работи – прво зошто Извршната власт требаше да реагира со одбрана на извештајот за корупцијата. Според Уставот ние имаме судска власт, законодавен дом. Но ете одредени позиции од извршната власт се ставија во одбранбена ситуација. Тоа според покажува дека системот во Македонија се уште има одредена инерција, од аспект да се покаже кој е предводник од трите власти, иако тие треба да бидат независни една од друга. Зошто на пример не се изјасни судската власт и таа да се најде засегната. Мора да се признае дека има одрдена инерција. Не може Македонија одеднаш да рипне енколку места имајќи го предвид она што имавме во минатото. Она што мене ме загрижува е што истиот ден кога излегува извештајот, заменик премиерот одговорен за борба против корупција, излегува и реагира со одбрана од наодите во извештајот. Нема потреба, доволно е да се прочита документот и ќе види што пишува, изјави во Утрински брифинг Марјан Николов од од Центарот за економски анализи (ЦЕА).

–Загрижувачки е што подолг временски период независните тела ја вршат својата активност на ниво на процедура. Процедурално ќе кажат дека си ја завршиле работата – мерењето на резултатот на нивната работа е врз основа на импутите – успоеавме да дадеме плата, направивме годишен извештај – работата е завршена. Недостасува култура на мерење на резултатите. Кај нас се е еднодимензионална линија, каде не постои повратна спрега за да се види дали е постигнат некаков резултат кој ќе биде на општо задоволство. Државата не треба да прави ништо за бизнисот. Нема што да се замараат министерот и премиерот, туку регулаторните тела треба да си ја вршат својата работа, вели Николов.

Анализите на Центарот за економски анализи покажуваат дека во првите три квартали од 2020 година приходите на општините се намалиле за 18% односно тие се за 24,6 милиони евра пониски од истиот период во 2019 година.

–Во Македонија, споредено со други држави општините се социјален случај. Ова преставува еден од децентрализација, а кој што е во рамките на општиот несупех на државата за имплементација на законската регулатива. Во законот за финансирање на единица за локална стои категорија, норма, квалификација – финансиска нестабилност на општините. Тогаш таа општина не смее да прави капитални иопшти инвестиции, не смее дараспишува јавни набавки, нови вработувања. Од ова излегува силата на т.н локални шерифи, политичката некултура и начинот на кој се разбира и практикува политиката во Македонија – да се вработува без контрола, да се прават капитални инвестиции кои немаат врска со општината, популизмот, клиентелизмот, вели Николов.

–Во системското кршење на законите вклучени се и судовите. Основните судови донесеуваат решение за амнестија на одредени средства на општините за кои што општината и судот ќе одлучат дека се потребни за вршење на дејноста на општината.

Целиот разговор со Николов погледнете го во видеото: