Џоан Мекдоналд, тренер од Канада, која има 80 години, покажала како изгледала на 70 години, кога решила да го промени својот живот и да почне со редовно вежбање. Таа со својата приказна докажа дека никој не е премногу стар за ваков чекор.

На социјалните мрежи е позната под корисничкото име Train with Joan. Разликата е очигледна – на 70 години се борела со вишок килограми и изгледала тажно, додека на 80 години позира во одлична форма, со насмевка на лицето.

„Ќе бидам искрена со вас… Никогаш не бев од оние жени кои  сакаат да вежбаат. Поголемиот дел од животот го избегнував вежбањето, бев премногу зафатена со воспитување на децата, работа, грижа за сите околу мене. До моментот кога имав време за одмор, имав 70 години, бев уморна и земав повеќе лекови отколку што сакав да признаам. Не барав трансформација. Само сакав повторно да се чувствувам како јас“, напишала Џоан.

Таа појаснила дека сè започнало со мали чекори по совет на својата ќерка и сфатила дека колку повеќе се движи, толку повеќе напредува.

„Полека се случуваа промени. Ми се врати енергијата. Престанав да ги земам повеќето од тие лекови и повторно почнав да уживам во животот. Сега имам 80 години и се движам подобро отколку пред десет години. Не ви го кажувам ова за да ве импресионирам. Ви го кажувам затоа што и јас бев таму каде што сте вие… Уморна, скептична, прашувајќи се дали е доцна. Не беше, и за вас не е доцна“, напишала таа.

Овој пост на Инстаграм досега собра повеќе од 20 милиони прегледи и милион лајкови.

„Ти си вистинска инспирација“, „Џоан, го смени моето мислење. Сакам да бидам како тебе кога ќе пораснам“, „Секој поздрав“, „Ти си доказ дека никогаш не е доцна“, се само дел од коментарите.