Денеска во рамките од 31 коло во најсилното италијанско првенство составот на Удинезе славеше на гостувањето кај Кротоне со резултат 1:2.

Илија Несторовски беше стартер за екипата од Удине, во 41 минута беше во шанса да постигне гол, неговиот удар беше одбранет, одбиената топка повторно дојде до нашиот играч кој асистираше до Де Пол, а Аргентинецот успеа да донесе водство.

Во 68 минута се случи израмнувањето, од пенал прецизен беше нигерискиот интернационалец Нванкво. 120 секунди подоцна македонскиот репрезентативец ја напушти играта, а на негово место влезе Форестиери.

Херој на Удинезе беше Де Пол кој и по вторпат се запиша во листата на стрелците (74`) за поставување на конечниот епилог, а истиот играч доби и црвен картон во самиот финиш од средбата (90+1`).

На табелата тимот на Готи откако ја прекина серијата од три порази по ред, се наоѓа на 11 место со 36 бодови, додека Кротоне останува последнопласиран со 15.