Помошникот на Роберто Манчини повторно последен влезе во автобусот на фудбалската репрезентација на Италија.

Италијанците ја напуштија својата база во Фиренца и тргнаа кон Лондон каде што утре (21.00 часот) на „Вембли“ стадионот ќе го играат финалето на Европското првенство против Англија.

Автобусот со играчите и стручниот штаб веќе се движеше кон аеродромот, а помошникот на Манчини, Џанлука Вијали мораше да истрча за да го стигне. И не, не е заборавен, тоа е ритуал кој им носи среќа на Италијанците уште од почетокот на континенталниот собир.

Вообичаена сцена – Вијали шета, носи торба во раката и потоа им се извинува на сите што доцни. Започна уште од групната фаза и редовно „доцни“, а Италија ги победува своите ривали еден по еден.

Вијали и Манчини се одлични пријатели, но во тандем прават неверојатни работи на клупата на Италија.

"That is a fine!" 👀💶

The #ITA squad almost left their training base in Florence without assistant coach Gianluca Vialli! 😂 pic.twitter.com/m8RvXgj7kG

— Sky Sports News (@SkySportsNews) July 10, 2021

Зад Вијали е тешка минатата година, се бореше против ракот, но за среќа тој ја надмина злобната болест и сега е на пат да стане европски шампион со својата земја.

По својата играчка кариера, Вијали кратко работеше и како тренер во Англија. Тој ги водеше Челси и Ватфорд, и 15 години работеше како спортски аналитичар.