Фудбалерите на Осасуна приредија вистински изненадување откако вчера со 2-1 го совладаа Реал Мадрид на „Ел Садар“, но наместо за големиот триумф на домашните, Шпанија денеска повеќе зборува за немилите сцени по натпреварот.

Радоста по историскиот триумф брзо беше засенета од сериозни инциденти меѓу навивачите и полицијата, кои ескалираа веднаш по последниот судиски свиреж.

Тензиите, според шпанските медиуми, почнале уште за време на мечот. Од јужната трибина било фрлено шише кон голманот на мадриѓаните, Тибо Куртоа. Белгиецот мирно го зел предметот и му го предал на главниот судија, по што преку разглас било испратено последно предупредување до публиката.

Но, вистинскиот хаос настанал по крајот на средбата. Обезбедувањето се обидело да го идентификува и отстрани навивачот кој го гаѓал Куртоа, што предизвикало бурна реакција кај дел од домашните фанови. Ситуацијата експресно ескалирала во физичка пресметка, по што морала да интервенира и Националната полиција.

21.02.2026🇪🇸Osasuna fighting with 1312 during the match against Real Madrid, click here for more: https://t.co/6n8Ojddabx

All in one place. Tap to download.
🔗 https://t.co/FXnrFRp1rX pic.twitter.com/IFLbHzWNQB

— Hooligans.cz Official (@hooliganscz1999) February 21, 2026

ВИДЕО | Реал Мадрид поразен од Осасуна во Памплона, на потег е Барселона