Босанската полиција се огласи по синоќешниот страотен пожар во дом за стари луѓе во градот Тузла, а според надлежните, загинале најмалку десет луѓе и околу 20 се повредени.

„Според прелиминарните информации, во пожарот загинале 10 лица, жители на Пензионерскиот дом во Тузла, додека околу 20 лица (пожарникари, полицајци, медицински работници, вработени и жители на Пензионерскиот дом) биле згрижени во ЈЗУ УКЦ Тузла“, велат од полицијата.

Се стравува дека бројот на загинати е и поголем.

Телата на жртвите ќе бидат префрлени во Меморијалниот центар за идентификација и обдукција.

„На местото на настанот има истражна екипа, додека истрагата ќе се спроведе кога ќе се исполнат условите, со цел да се утврди причината за пожарот и сите други факти од значење за истрагата“, беше потврдено за „Аваз“.

ВИДЕО | Трагична ноќ во Тузла: Најмалку деветмина загинаа во пожар во пензионерски дом