Најмалку четири лица загинаа денеска во силна експлозија што се случи во пристаништето Шахид Раџаи во градот Бандар Абас во јужен Иран, според новиот извештај што го објави државната телевизија, додека бројот на повредени се повеќе од 500.

„За жал, најмалку четири смртни случаи се потврдени од спасувачите“, рече шефот на спасувачките операциите за иранската државна телевизија.

Ова пристаниште се наоѓа на повеќе од илјада километри јужно од Техеран, во близина на големиот град Бандар Абас, кој гледа на Ормутскиот теснец и, според официјалната новинска агенција ИРНА, е најголемото комерцијално пристаниште во земјата.

Над 70% од иранската стока поминува низ ова пристаниште, кое се граничи со Ормутскиот теснец, низ кој поминува една петтина од светското производство на нафта.

„Инцидентот беше предизвикан од експлозија на неколку контејнери складирани во пристаништето на пристаништето Шахид Раџаи“, изјави претставникот на локалната спасувачка служба Мехрад Хасанзадех за државната телевизија.

Државната телевизија објави снимка на која се гледа како голем облак од црн чад се издигнува кон небото од пристаништето.

Друга снимка од надзорна камера емитувана од новинската агенција Мехр покажува експлозија во хангар што предизвикува густ облак од чад и прашина.

Експлозијата се слушнала на околу 50 километри, според новинската агенција Фарс.

A massive explosion rocked the Shahid Rajaee port in #Iran’s southern city of Bandar Abbas on Saturday.

The cause of the explosion has not yet been identified. pic.twitter.com/I443SwGsZs

— Iran’s Today (@Iran) April 26, 2025

„Експлозијата беше толку силна што повеќето згради на пристаништето беа сериозно оштетени“, објави новинската агенција Тасним. Засега не е познат бројот на работници кои биле присутни во моментот на експлозијата.

Сабота е првиот работен ден во седмицата во Иран.

Националната компанија за дистрибуција на нафта соопшти дека нафтените капацитети не се оштетени и дека работат нормално.

Експлозии од оваа јачина се ретки во Иран, но земјата доживеа смртоносни инциденти во последните месеци. Во септември минатата година, во експлозија во рудник за јаглен загинаа над 50 мртви.

Првиот потпретседател на Иран Мохамад Реза Ареф нареди истрага за да се утврди точната причина за инцидентот и степенот на штетата, според новинската агенција ИСНА.