Новиот селектор на македонската фудбалска репрезентација, Гоце Седлоски, по преземањето на функцијата доби честитки од неколку светски фудбалски величини, меѓу кои од хрватските репрезентативци Лука Модриќ и Јошко Гвардиол, како и селекторот на Хрватска, Златко Далиќ.

„За преземањето на функцијата селектор добив честитки од луѓе кои се светски величини и мои поранешни соиграчи, Лука Модриќ, Јошко Гвардиол, селекторот Златко Далиќ и многу други. Тоа за мене е чест и дополнителна одговорност“, рече Седлоски.

Тој истакна дека, за разлика од одредени самопрогласени „величини“ кај нас (мислејќи на Игор Ангеловски), кои од суета не можат ниту да честитаат, неговиот фокус е исклучиво на успехот на репрезентацијата.

„Македонија е над секое име, над секоја лична фрустрација и над секоја суета“, додаде Седлоски.

ФОТО | Седлоски: Ова е голема чест и најголема одговорност во мојата кариера

Преземено од: Sport.com.mk