По Велигден, кај многумина во фрижидер остануваат повеќе тврдо варени јајца, а при сечење понекогаш се забележува необичен сино-зелен или сивкаст прстен околу жолчката. Иако ваквата појава може да изгледа непривлечно, тоа не значи дека јајцето е расипано.

@foodmeetsscience 🥚🧪 Ever noticed a green ring around a boiled egg yolk Reposting from @alexdainis, this colour change is a classic example of kitchen chemistry. When eggs are overcooked, sulfur from the egg white reacts with iron in the yolk. The result is a harmless greenish compound that forms at the surface. It does not mean the egg is unsafe or spoiled. It simply means heat and time went a little too far. Rapid cooling stops the reaction and keeps yolks bright and golden. Another reminder that cooking is chemistry you can see. 🎥 Original video by @alexdainis #foodscience #boiledegg #egg #foodfacts ♬ oryginalny dźwięk – foodmeetsscience

Причината за оваа промена на бојата не е лош квалитет или неправилно чување, туку хемиска реакција што се случува при варењето. Кога јајцето се вари предолго, сулфурните соединенија од белката реагираат со железото од жолчката. Притоа се создава железен сулфид – соединение што ја предизвикува карактеристичната зеленкаста боја. Ова најчесто се случува кога јајцата се варат подолго од десет минути.

Иако бојата не изгледа привлечно, стручњаците за исхрана нагласуваат дека нема причина за грижа. Зеленикавиот раб не влијае значително ниту на вкусот ниту на хранливата вредност, па јајцето е безбедно за консумирање. Значи, ова не е знак дека јајцето е расипано, туку дека е преварено. Ваквите јајца често имаат и посува, ронлива структура.

Тврдо варените јајца може да се чуваат во фрижидер околу пет до седум дена, доколку се на соодветна температура. Најдобро е да се чуваат во лушпа, бидејќи така подолго ја задржуваат свежината. Ако веќе се излупени, се препорачува да се изедат во рок од три до пет дена и да се чуваат во затворен сад.

Важно е јајцата да не стојат на собна температура подолго од два часа и да се чуваат во фрижидер на температура до 4 степени Целзиусови.

Сепак, постојат јасни знаци дека јајцето не е исправно. Најочигледен е непријатниот мирис налик на сулфур. И изгледот може да укажува на расипаност – ако површината под лушпата е слузава или невообичаено сјајна, ако жолчката е воденеста или премногу ронлива или ако има други промени во бојата, јајцето треба да се фрли. Тврдо вареното јајце треба да биде цврсто; ако е кашесто или слузаво одвнатре, тоа е предупредувачки знак.

Важи и едноставно правило: ако не сте сигурни дали јајцето е исправно, подобро е да го фрлите. Иако труењата со храна предизвикани од јајца се ретки, со претпазливост можат лесно да се избегнат.