ВИДЕО: Мирчевски ја најави победата на Бачка Топола
Фудбалерите на ТСЦ Бачка Топола во првото коло од шампионската група на српската Суперлига на гостински терен го совладаа Чукарички со 2:3.
Три важни бода за Бачка Топола во борбата за излез на меѓународната фудбалска сцена.
Првиот гол за гостите го реализираше македонскиот напаѓач Мартин Мирчевски со убав гол во 36 минута.
При резултат 2:2, во самиот финиш од средбата (90+3`) беше поставен конечниот епилог преку Ѓаковац кој беше двоен стрелец на овој меч.
За Мирчевски ова беше втор гол во дресот на Бачка Топола, првиот го имаше минатиот месец во ремито токму со Чукарички.
Во следното коло Чукарички ќе му гостуваат на Партизан, а ТСЦ ќе биде домаќин на Црвена звезда.