ВИДЕО: Меси асистираше за триумф на ПСЖ, конечно деби на Рамос
Фудбалерите на ПСЖ славеа со 1:3 на гостувањето кај Сент Етјен во рамки на 15 коло во Лига 1. Натпреварот го одбележаа двата гола на Маркињос, трите асистенции на Лионел Меси и дебито на Серхио Рамос.
ПСЖ постигна гол уште во петтата минута преку Нејмар, но судијата го поништи по консултација со ВАР собата поради офсајд. Потоа шанса имаше и Килијан Мбапе, но не успеа да го совлада голманот Грин. Казната за промашувањата стигна во 23 минута кога домашниот тим поведе со голот на Денис Буанга.
Работите за Сент Етјен се влошија откако Тимоте Колоџејчак во 45 минута доби црвен картон, за во втората минута од судиското продолжение Маркињос да израмни на 1:1.
Во вториот дел, гостите доминираа на теренот, создаваа шанси, но долго чекаа на вториот гол. Тој „дојде“ во 79 минута кога во листата на стрелци се запиша Анхел ди Марија по новата асистенција на Меси.
Конечниот резултат го постави Маркињос по добро изведениот корнер на Меси.
Ова воедно беше прв натпревар за Серхио Рамос откако летово пристигна во ПСЖ. Поранешниот капитен на Реал Мадрид конечно се опорави од повредата и ги одигра сите 90. минути.
Tout reste à faire ! 👊#Ligue1 | #ASSEPSG 1⃣-1⃣ pic.twitter.com/zbU10KSw3x
— Paris Saint-Germain (@PSG_inside) November 28, 2021